Gəncə şəhər 3 nömrəli tam orta məktəbin şagirdləri arasında “Şən startlar” adı altında idman növləri üzrə yarış keçirilib. Məktəbin idman zalında keçirilən yarışda müxtəlif yaş qruplarından olan şagirdlər qalibiyyət uğrunda yüksək əzmkarlıq göstərərək öz bacarıqlarını nümayiş etdiriblər.

Sonda məktəbin 4-cü sinif şagirdlərindən ibarət “Ulduz” komandası digər komandaları üstələyərək qalib adına layiq görülüb.

Yarışların keçirilməsində əsas məqsəd idman növlərini məktəblilər arasında təbliğ etmək, məktəbliləri sağlam həyat tərzinə istiqamətləndirmək, onların vətənpərvərlik ruhunda tərbiyə olunmasında bədən tərbiyəsinin və idmanın rolunu artırmaqdan ibarətdir.