32 saylı tam orta məktəbdə Rəna Nağıyevanın rəhbərlik etdiyi sinifin şagirdləri Gəncə Uşaq Evində qonaq olub, Dünya Azərbaycanlılarının Həmrəyliyi və Yeni il münasibəti ilə həmyaşıdlarını təbrik edib, onları bayram sovqatı ilə sevindiriblər. Az vaxt ərzində şagirdlər həmyaşıdları ilə mehriban ünsiyyət, doğma münasibət yaradıb, birgə şənləniblər. Şaxta babanın, Qar qızın və çizgi filmləri qəhrəmanlarının şənlikdə iştirak etməsi uşaqların sevincinə sevinc qatıb.