Gəncə şəhər 22 saylı tam orta məktəbin 5-ci sinif şagirdləri “Bizim gözəl dünyamız” adlı tədbir keçiriblər. Məktəb rəhbərliyinin, müəllim və valideynlərin, qonaqların iştirak etdiyi musiqili, ədəbi-bədii gecədə beşincilər məktəbin ingilis dili müəllimi Sevinc Məmmədovanın rəhbərliyi ilə hazırladıqları şeirləri söyləyib, səhnəciklər göstəriblər. Başqa tədbirlərdən fərqli olaraq “Bizim gözəl dünyamız”da bədii və publisistik mətnlər, mahnılar, səhnəciklər ingilis dilində səsləndirilib.

    Bir-birindən maraqlı ifaları ilə tamaşaçıların ürəyinə yol tapan şagirdlər “Qoy həmişə sülh, xoşbəxtlik və hər kəs üçün yaxşı həyat olsun. Gəlin, dünyamızı qorumaq üçün əlimizdən gələni edək”-sözləri ilə tədbiri yekunlaşdırıblar.