Gəncə şəhər 10 saylı tam orta məktəbdə 20 Yanvar faciəsinin 27-ci  ildönümü ərəfəsində bütün siniflərin divar qəzetləri o qanlı gecəyə həsr olunub. Şagirdlərin ərsəyə gətirdikləri divar qəzetlərində Azərbaycanın müasir tarixinə ən faciəli günlərdən biri, eyni zamanda, xalqımızın qəhrəmanlıq səhifəsi kimi daxil olan 20 yanvar 1990-cı il haqqında ətraflı məlumatlar, Qara Yanvara həsr etdikləri rəsmlər, şeirlər öz əksini tapıb. Məktəbin hər bir sinfinin şagirdləri ürəkağrısı ilə Azərbaycanın azadlığı və suverenliyi uğrunda mübarizənin simvolu kimi tarixə düşən 20 Yanvar haqqında həqiqətləri bacardıqları kimi çatdırmağa çalışıblar.