Gəncə Olimpiya İdman Kompleksində Milli Qəhrəman Ənvər Arazov və Aprel Şəhidlərinin xatirəsinə həsr olunmuş karate idman növü üzrə açıq birincilik keçirilib.

    Şəhər Gənclər və İdman Baş İdarəsinin Uşaq Gənclər Fiziki Hazırlıq Klubu ilə birgə təşkilatçılığı ilə keçirilən yarışda torpaqlarımızın müdafiəsi uğrunda canlarından keçən şəhidlərin ruhu bir dəqiqəlik sükutla yad edilib. Tədbirdə qəhrəman Vətən oğullarının keçdiyi şərəfli həyat yolu, torpağa, milli-mənəvi dəyərlərə bağlılığı, döyüş yolu, müqəddəs şəhidlik zirvəsinə ucalması haqqında çıxışlar edilib.