Bu ilin dekabrında Azərbaycanın görkəmli təbiətşünas alimi, Dövlət Mükafatı Laureatı, Əməkdar Elm Xadimi akademik Həsən Əliyevin anadan olmasının 110 ili tamam olur. Akademik Həsən Əliyevin 110 illik yubileyi tədbirləri çərçivəsində bu böyük təbiətşünas alimin ali təhsil aldığı, hazırkı Azərbaycan Dövlət Aqrar Universitetin Ekologiya mühəndisliyi və Meşəçilik kafedrasının professor əvəzi Aqrar elmlər üzrə elmlər doktoru Zakir İbrahimov Azərbaycanda coğrafiya və torpaqşünaslıq elmlərinin müxtəlif sahələrinin təşəkkül tapmasında, bir sıra yeni elmi istiqamətlərin bugünkü simasının müəyyənləşməsində müstəsna xidmətləri olan Həsən Əliyev haqqda geniş məlumat verərək onun fəaliyyətini əks etdirən videoçarxı təqdim edib. Şagirdlərin diqqətini cəlb edən mövzulara toxunan Z.İbrahimov görüş iştirakçılarını maraqlandıran sualları da ətraflı şəkildə cavablandırıb.

    Məktəblərdə bu cür görüşlərin keçirilməsi şagirdlərimizin dünya görüşünü , onlarda görkəmli şəxsiyyətlər haqqında araşdırma aparmaq bacarığını və öyrənmə qabiliyyətini artırır .