Gəncə şəhər  2 nömrəli Uşaq-Gənclər-İdman-Şahmat məktəbində Məhsəti Gəncəvinin xatirəsinə həsr olunan Gəncə Open-2018 Respublika şahmat turnirinə yekun vurulub.  

Təhsil Nazirliyinin və Azərbaycan Şahmat Federasiyasının təşkilatçılığı ilə keçirilən yarışın  məqsədi şahmatçıların ustalıq səviyyəsinin, praktik təcrübəsinin və beynəlxalq reytinqlərinin alınması və artırılmasından ibarət olub.

Həm ümumi yarışda,həm də qızlar arasında ilk 3 yerin sahiblərinə medal, diplom, xatirə hədiyyəsi və pul mükafatı, IV yeri tutan şahmatçılara isə pul mükafatı və xatirə hədiyyəsi təqdim edilib.