Gəncə şəhər ümumtəhsil məktəblərinin VIII-XI sinif şagirdlərinin iştirakı ilə “Ədəbiyyat biliciləri” müsabiqəsinin şəhər mərhələsi keçirilib.

46 ümumtəhsil məktəbindən 166 şagirdin iştirak etdiyi müsabiqə könüllü xarakter daşıyır. Müsabiqə Azərbaycan və dünya ədəbiyyatının görkəmli nümayəndələrinin yaradıcılıqları haqqında şagirdlərin məlumatlılıq səviyyəsinin artırılması, mütaliəyə maraqlarının gücləndirilməsi məqsədi ilə keçirilir.

Məlumat üçün bildirək ki, “Ədəbiyyat biliciləri” müsabiqəsi üç mərhələdə təşkil olunur. Müsabiqənin məktəb mərhələsi noyabr-dekabr aylarında keçirilib. Ölkə mərhələsi isə mart-aprel aylarında keçiriləcək.