Gəncə şəhər ümumtəhsi məktəblərində Xocalı soyqırımının iyirmi yeddinci il dönümü ilə əlaqədar tədbirlər keçirilib.

Tədirlərin keçirilməsində məqsəd Xocalı soyqırımı qurbanlarını yad etmək, böyüməkdə olan gənc nəslə Azərbaycan tarixi haqqında həqiqətləri çatdırmaq, doğma Vətənə sevgi, məhəbbət hissləri aşılamaq, məktəblilər arasında milli vətənpərvərlik ruhunu yüksəltməkdən ibarət olub.

Azərbaycan Respublikasının Dövlət Himni ilə başlanan tədbirlərdə Xocalı faciəsi qurbanlarının, Azərbaycanın müstəqilliyi və ərazi bütövlüyu uğrunda canından keçmiş şəhidlərin əziz xatirəsi bir dəqiqəlik sükutla yad edilib.

Məktəb kollektivi və şagirdlərin iştirakı ilə keçirilən tədbirlərdə Xocalı soyqırımına həsr edilmiş şeir, musiqi və səhnəciklər nümayiş etdirilib.