Gəncə şəhər N.Hüseynov adına 38 nömrəli tam orta məktəbdə “Şən startlar” başlığı altında idman yarışı keçirilib.

Əyləncəli idman oyunu məktəbin idman zalında reallaşıb. “Şən startlar”da  4-сü sinif şagirdlərindən ibarət iki komanda iştirak edib. Komandaların heyəti 5-i qız, 6-sı oğlan olmaqla 11 oyunçudan formalaşıb.

Yarışın keçirilməsində məqsəd uşaqların idmana olan maraqlarını artırmaq, onlar arasında sağlam həyat tərzinin təşviqidir.

Oyunların qaydalar çərçivəsində keçirilməsini, həmçinin iştirakçıların qiymətləndirilməsini, məşqçilərdən və təşkilat komitəsinin üzvlərindən ibarət münsiflər heyəti təyin edib. Əyləncəli idman oyunlarında məktəblilər 5 mərhələdə müxtəlif idman növləri üzrə estafet yarışlarında qüvvələrini  sınayıblar.

Yarışda I yerə “Dəcəllər”, II yerə isə “Şirinlər” komandası layiq görülüb. Qalib komandalar diplom və hədiyyələrlə təltif olunublar.