Respublika fənn olimpiadalarının final mərhələsinin nəticələrinə əsasən Gəncə şəhər ümumtəhsil məktəblərindən 2 şagird qızıl, 1 şagird gümüş, 2 şagird isə bürünc medala layiq görülüb.

Qeyd edək ki, mayın 5-də ADA Universitetində informatika, 25-də isə Təhsil Nazirliyinin tabeliyindəki İlyas Əfəndiyev adına Elitar gimnaziyada Azərbaycan dili və ədəbiyyat, riyaziyyat, fizika, kimya, biologiya, tarix və coğrafiya fənləri üzrə Respublika fənn olimpiadalarının final mərhələsi keçirilib. 

Olimpiadaların təşkil edilməsində məqsəd istedadlı uşaqların aşkar edilməsi, şagirdlərdə fənlərə olan marağın artırılması, onların  sağlam rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.

Nəticələrə əsasən medala layiq görülən şagirdlərimizi təqdim edirik.

Azər Seyidli -         İ.Məmmədov adına 27 nömrəli məktəb-liseyin IX sinif şagirdi qızıl medal;

Ramiz Bağırov -     M.Hadi adına 10 nömrəli tam orta məktəbin XI sinif şagirdi qızıl medal;

Əli Quluyev -          31 nömrəli tam orta məktəbin X sinif şagirdi gümüş medal;

İlmaz Həsənov  -    M.Ş.Vazeh adına 16 nömrəli tam orta məktəbin XI sinif şagirdi bürünc medal;

Təhminə Əliyeva  - Ş.İ.Xətai adına 13 nömrəli tam orta məktəbin XI sinif şagirdi bürünc medala layiq görülüb.