17 dekabr tarixində Gəncə Şəhər Təhsil İdarəsində Təhsil Nazirliyinin sektor müdiri Bəhruz Müslümov və daxili nəzarət şöbəsinin əməkdaşı Rövşən Ağayevin iştirakı ilə Təhsil nazirliyinin Fəxri Fərmanı və “Qabaqcıl təhsil işçisi” döş nişanına layiq görülən təhsil işçilərinə təltiflər təqdim olunub.

Təhsilin inkişafındakı xidmətlərinə, gənc nəslin təlim-tərbiyə sahəsində yüksək nailiyyətlər əldə etdiyinə görə Gəncə şəhər İ.Məmmədov adına 27 nömrəli məktəb-liseyin ingilis dili müəllimi Elvin Bəkirov, M.A.Abbaszadə adına 20 nömrəli tam orta məktəbin direktoru Vahid Allahverdizadə, 26 nömrəli məktəb-liseyin riyaziyyat müəllimi Ləman Həsənova və A.Nekrasov adına 19 nömrəli tam orta məktəbin fiziki tərbiyə müəllimi Əlimcan Əliyev Təhsil nazirliyinin “Fəxri Fərman”ı ilə təltif edilib.

Bundan başqa Gəncə şəhər İ.Məmmədov adına 27 nömrəli məktəb-liseyin direktoru Kəmalə İsgəndərova “Qabaqcıl təhsil işçisi” döş nişanı ilə təltif olunub.