Gəncə Şəhər Təhsil İdarəsinin əməkdaşları tərəfindən məktəblərdə monitorinqlər davam etdirilir.

Gəncə Şəhər Təhsil İdarəsinin tabeliyində fəaliyyət göstərən ümumtəhsil məktəblərində tədris və təlim-tərbiyə prosesini sanitar-epidemioloji vəziyyətə uyğun olaraq təşkili nəzarətdə saxlanılır.

Monitorinqlər  zamanı məktəblilərə koronavirus infeksiyasından qorunmaq üçün digər insanlarla ünsiyyətdə olarkən sosial məsafəni gözləmələri, əllərini tez-tez və qaydalara uyğun yumaları, başqalarının əşyalarına toxunmamaları, sinfi və məktəbi təmiz saxlamaları, kütləvi toplaşmaqdan çəkinmələri barədə müvafiq tövsiyələr verilir.

Qeyd edək ki, sentyabr 14-də Gəncə Şəhər Təhsil İdarəsinin müdirinin müvafiq əmrinə əsasən, rayonunun ümumtəhsil məktəblərində tədris və təlim-tərbiyə prosesinin Nazirlər Kabinetinin qərarlarına və Təhsil Nazirliyin metodiki göstərişlərinə uyğun olaraq təşkil vəziyyətini öyrənilməsi, maarifləndirmə işlərinin aparılması və müvafiq təkliflər vermək üçün monitorinq komissiyası yaradılıb.