Əvvəlki illərdə ümumi təhsil məktəblərini ümumi orta (IX) və tam orta (XI) təhsil səviyyəsi üzrə bitirə bilməyən şəxslər üçün eksternat qaydasında aralıq imtahanları üçün onlayn sənəd qəbulu başa çatıb.

Eksternat imtahanlarında iştirak etmək üçün eksternat@ganja-sti.edu.az elektron poçt ünvanına 45 müraciət daxil olub ki, onlardan 22 nəfəri ümumi orta (IX), 23 nəfəri isə tam orta (XI) təhsil səviyyələri üzrə müraciət edib.

Qeyd edək ki, sərbəst (eksternat) təhsilalma formasının tətbiqi müxtəlif səbəblərdən ümumi orta və tam orta təhsil səviyyəsini başa vura bilməyən şəxslərə həmin səviyyə üzrə buraxılış imtahanı verərək müvafiq təhsil sənədi almaq üçün şərait yaratmaq məqsədi daşıyır.