Əsası  Ulu Öndər Heydər Əliyev  tərəfindən  qoyulmuş YAP Azərbaycanın  yeni  siyasi  və  iqtisadi  kursunu  müəyyənləşdirdi, strateji  hədəflərə  çatmaq üçün cəmiyyətin  inkişafında  bütün  mexanizmlərin işləməsinə şərait  yaratdı, xalqın  potensialından səmərəli  istifadə  edərək  əsas prioritetləri  müəyyən etdi,  iqtisadiyyatda,  dövlət  quruculuğunda, cəmiyyətdə  demokratik  prinsiplərin tam  qətiyyətlə  həyata  keçirilməsinə nail oldu. Dövlət quruculuğunun  bütün sahələrində islahatlar  keçirildi, respublikamız  demokratiya, bazar  iqtisadiyyatı  yolu  ilə  daha  sürətlə  irəli  addımladı. 

Tarix  boyu xalqımızın  dahi  rəhbərləri,  siyasi xadimləri, sərkərdələri  olub  xalqın  içərisindən  çıxıb. Belə  ruhlu   insanlar Heydər  Əliyevin  ətrafında  toplaşaraq, ölkəmizin  müxtəlif  sahələrində  öz  töhfələrini  verdilər. Xalqın  təkidli  tələbi  ilə  hakimiyyətə  gələn  ümummilli  lider  Heydər  Əliyevin  yüksək  idarəçilik  təcrübəsi  sayəsində  Azərbaycan  məhvolma  təhlükəsindən  xilas  edildi,  ölkəmiz  inkişaf  və  tərəqqi  yoluna   qədəm  qoydu.  Azərbaycanın   müdrik  rəhbəri  ordu  quruculuğuna  xüsusi  önəm  verərək,  bu  sahədə  islahatları  sürətlə  və  müasir  tələblər  səviyyəsində  həyata  keçirdi, gənc  nəslin vətənpərvərlik   ruhunda  tərbiyə   olunması  diqqətdə  saxlanıldı,  ordu  sıralarında xidmət  keçən  gənclər  mətinlik   məktəbi  keçdi,  ən  müasir  silahlardan  istifadə  etməyi  yüksək  səviyyədə  mənimsədi. Heydər  Əliyevin  hakimiyyətə  gəlməsi ilə  Azərbaycanın  tarixində yeni  inkişaf  mərhələsi  başladı, ictimaiyyətimizdə  milli  həmrəylik, vətəndaş  həmrəyliyi günü- gündən   inkişaf  etdi, möhkəmləndi, bütün  sahələrdə  sıx  əməkdaşlığa yer  verildi, hər  şey saf, təmiz mənəviyyət  üzərində qurulmağa  başladı.

Azərbaycan  Respublikası  məcburən  cəlb  edildiyi   müharibənin  ağır  nəticələrinə,  respublika  ərazisinin  20%-dən  çoxunun  işğal  edilməsinə  və  bir  milyondan çox  azərbaycanlının  doğma  torpaqlarından  qovulmasına,  qaçqın  vəziyyətinə  düşməsinə  baxmayaraq, həmişə  Ermənistan - Azərbaycan  münaqişəsinin  sülh  yolu  ilə,  siyasi  yolla   humanist  addımlarla  aradan  qaldırılmasının  tərəfdarı  olmuşdur.

 Ulu öndərin  siyasi  kursunu  uğurla  davam  etdirən  Azərbaycan  Prezidenti  cənab  İlham  Əliyevin  rəhbərliyi  ilə ölkəmiz  beynəlxalq   standartlara  uyğun  müasir, güclü  dövlətə  çevrildi.

Müzəffər  Ali Baş Komandanın rəhbərliyi  altında  şanlı   ordumuzun  zəfər  yürüşü  nəticəsində  30  il  Ermənistanın  tapdağı  altında   qalan  Qarabağımız   44 gün  ərzində  işğaldan  azad  edildi. Otuz illik  vətən həsrətinə  son  qoyuldu.

 İslahatlar  davamlı  olaraq  aparıldı  və  Azərbaycan  islahatlar  aparan  ölkəyə  çevrildi,   beynəlxalq   arenada  mövqeyini  cəsarətlə  bildirən,  dünyəvi  əhəmiyyətə  malik  olan  dəyərlərin  qorunub  saxlanılması  prizmasından  çıxış edən, multikultural  mədəniyyətin  təbliğatçısına,  insan  resurslarını  güclü  elmi  mexanizmə  çevirən,   qloballaşan   dünya  ilə ayaqlaşan  nümunəvi  ölkə  modelinə  imza  atdı. Xalq iqtidar  birliyi  Azərbaycan  xalqını  sıx  birləşdirdi.

 Keçmişin  xoşagəlməz  prosesləri ,  müstəqilliyimizin  ilk  illərinin  bərbad  mənzərəsi  bizi  hər   zaman  düşünməyə,   müqayisəvi  formatda  siyasi  dialoqun   formalaşdırılmasına,  iqtisadi azadlıqların  bərqərar  olmasına,  siyasi  sistemin  təkmilləşməsinə, acı  təcrübənin  dərin  analizinə,  ikili  standartların amansız  təsirlərinə  qarşı   güclü  potensiyalımızın  inkişaf  etdirilməsinə,  ölkəmizin  gələcək  inkişafı  naminə  fədakarcasına   çalışmağımıza çağırır.