Gəncə Şəhər Təhsil İdarəsi tərəfindən “Bizim şagird” rubrikasına start verilir. Rubrikanın həyata keçirilməsində əsas məqsəd qabaqcıl, xüsusi təhsil nailiyyətləri ilə seçilən şagirdlərin ictimaiyyətə tanıdılması, beləliklə digər şagirdlərdə ruh yüksəkliyinin yaradılmasıdır. Rubrika çərçivəsində ilk şagirdimiz Kamil Fətəliyevdir.

Kamil Gəncə şəhər M.Müşfiq adına 14 nömrəli tam orta məktəbin XI sinif şagirdidir. O, IX sinfi fərqlənmə attestatı ilə bitirib.  “Xəmsə” və “Zirvə” intellektual yarışlarında iştirak edən Kənan 2019- cu il 30 noyabr tarixində Gəncə Dövlət Universitetində keçirilmiş Coğrafiya fənn olimpiadasında yüksək nəticə göstərmiş , fəxri fərmanla təltif olunmuşdur. Gəncə şəhər Bülbül adına 3 saylı Uşaq Musiqi məktəbinin fortepiano ixtisası üzrə tam kursunu müvəffəqiyyətlə bitirən müxtəlif müsabiqələrdə layiqli yerlər tutmuşdur. 2019- cu il 22 iyul-2 avqust tarixində Amerika Birləşmiş Ştatlarının Qərbi Virciniya Ştatında keçirilmiş, dünyanın 152 ölkəsindən 40.000 -dən artıq şəxsin iştirak etdiyi Dünya Skaut Camborisində ( World Scout Jamboree) ölkəmizi layiqli təmsil etmişdir.

Kamilə uğurlar arzulayırıq.