17 may tarixindən etibarən ümumi və məktəbdənkənar təhsil müəssisələrində  əyani tədris forması qismən bərpa edilib.

Gəncə Şəhər Təhsil İdarəsinin tabeliyində fəaliyyət göstərən ümumtəhsil məktəblərinin məktəbəhazırlıq qruplarında 3175, I-IX siniflərində isə 38290 nəfər şagird təhsil alır. Tədrisin əyani formada qismən bərpası ilə fiziki (sosial) məsafəni (ən azı 1.5 metr) gözləməklə şagirdlər tədrisə cəlb edilir. Ümumtəhsil məktəblərində tədris və təlim-tərbiyə prosesinin sanitar-epidemioloji vəziyyətə uyğun olaraq təşkili nəzarətdə saxlanılır. GŞTİ-nin əməkdaşları ümumtəhsil məktəblərində monitorinqlər həyata keçirirlər.

Tədrisin əyani formada qismən bərpası ilə məktəbəhazırlıq mərhələsində və ümumi orta təhsil səviyyəsində (V-IX siniflərdə) tədris həftədə 3 dəfə, ibtidai təhsil səviyyəsində (I-IV siniflərdə) tədris həftədə 3 dəfə, xüsusi məktəblər, xüsusi internat məktəbləri və inteqrasiya təlimli internat tipli təhsil müəssisələrinin xüsusi siniflərində (I-IX siniflərdə) tədris həftədə 5 dəfə olmaqla,  məktəbdənkənar təhsil müəssisələrində aşağı və orta yaş qruplarında (I-IX siniflər) dərnək məşğələləri həftədə 2 dəfə olmaqla davam edəcək.