Gəncə məktəbliləri "Muzeylərimizi tanıyaq və tanıtdıraq" adlı interaktiv ekskursiya layihəsinə qoşulublar.

Layihədə regionlarda yaşayan aztəminatlı ailələrin övladları, Şəhid övladları, həmçinin valideynlərini itirmiş və valideyn himayəsindən məhrum olmuş və ya bir valideyni vəfat etmiş və o biri valideyninin əlilliyi olan məktəblilər iştirak edirlər.

Layihənin məqsədi məktəblilərin asudə vaxtını səmərəli təşkil etmək, həmçinin, onların dünyagörüşünün, bilik və bacarıqlarını artırmaq, məktəbliləri muzeylərin qızıl fondu ilə  tanış etmək, şagirdlərə ölkəmizin qədim tarixi, milli-mənəvi dəyərləri barədə daha ətraflı məlumat verməkdən ibarətdir.