Azərbaycan Gənc Müəllimlər Assosiasiyası (AGMA) tərəfindən Gəncə şəhər ümumtəhsil məktəblərində çalışan gənc müəllimlərlə görüş keçirilib.

Görüşdə AGMA-nın sədri Rüfət Əsədzadə və AGMA-nın Gəncə şəhər üzrə koordinatoru Kəmalə Nəhmədova AGMA-nın fəaliyyəti, gələcək layihələri haqqında danışıblar. Görüş zamanı gənc müəllimləri  maraqlandıran suallar cavablandırılıb.

Məlumat üçün qeyd edək ki, Azərbaycan Gənc Müəllimlər Assosiasiyası (AGMA) yaradılmasında məqsəd təhsildə innovasiyalarla bağlı gənc müəllimlər arasında əməkdaşlığın inkişafına, onların maarifləndirilməsinə dəstək vermək, gənc müəllimləri bir arada birləşdirən şəbəkələşməni gücləndirmək, vahid strukturlaşmış mexanizm və idarəetmə sistemi yaratmaq, yerli və Beynəlxalq səviyyədə Assosiasiya əlaqələrini və əməkdaşlıq imkanlarını qurmaqdır.