Gəncə Şəhər Təhsil İdarəsinin müdiri Anar Qədiməliyev “TRİZ Kuboku-2021” beynəlxalq müsabiqəsinin iştirakçısı olan Gəncə şəhər M.Mehdizadə adına 4 nömrəli xarici dillər təmayüllü məktəb-liseyin şagirdləri ilə görüşüb.

Məlumat üçün qeyd edək ki, “TRİZ Kuboku-2021” beynəlxalq müsabiqəsində şagirdlər 11-14 yaş kateqoriyası üzrə fantaziya nominasiyasında "Kosmosda yaşam tərzi" adlı təqdimatla iştirak edərək III yerə layiq görülüblər.

Beynəlxalq müsabiqənin məqsədi məktəblilər, tələbələr, müəllim heyəti, həmçinin mütəxəssislərin arasında yaradıcılıq və innovasiya sahəsində  motivasiyanın formalaşdırılması və peşə yönümlü fəaliyyətin əhatə dairəsinin  genişləndirilməsidir.

TRİZ-in (İxtira məsələlərinin həlli nəzəriyyəsi) banisi, əslən bakılı ixtiraçı alim Genrix Altşuller olub və dünyada ilk  İxtiraçılıq İnstitutu Bakıda ümummilli lider Heydər Əliyevin dəstəyi ilə 70-ci illərdə yaradılıb.