Gəncə Şəhər Təhsil İdarəsinin (GŞTİ) təşkilatçılığı ilə Xocalı faciəsinin 30-cu ildönümünə həsr olunmuş “Xocalı soyqırımı şagirdlərin gözü ilə” adlı rəsm müsabiqəsi keçiriləcək.

Müsabiqənin 18-24 fevral 2022-ci il tarixləri arasında 3 yaş kateqoriyası üzrə (6-9, 10-13, 14-17) GŞTİ-nin tabeliyində fəaliyyət göstərən ümumtəhsil məktəblərinin şagirdlərinin iştirakı ilə keçirilməsi nəzərdə tutulur.

 Rəsm-müsabiqə üzrə tələblər aşağıdakı kimidir:

- Rəsm müsabiqəsinə hər bir məktəbdən 1 iştirakçı 1 rəsm işi göndərə bilər;

- İki və daha çox iştirakçının birgə hazırladıqları işlər qəbul edilmir;

- Rəsm işlərinin işlənmə texnikası sərbəstdir;

- Rəsmlər A3 formatda təqdim edilməlidir;

- İnternet və digər oxşar resurslardan köçürülmüş məzmunda olan rəsmlər qəbul edilmir;

- Rəsm işləri təqdim edilərkən müəllif haqqında ətraflı məlumat – şagirdin adı, soyadı, atasının adı, təvəllüdü, oxuduğu məktəb, sinif və əlaqə vasitəsi qeyd olunmalıdır;

- Müsabiqəyə göndərilən rəsmlər geri qaytarılmır.

Qeyd edək ki, rəsm işləri hazırlanaraq 24 fevral tarixinədək Gəncə şəhər Uşaq-Gənclər İnkişaf Mərkəzinə göndərilməlidir.  Müsabiqədə münsiflər heyəti tərəfindən işlər qiymətləndiriləcək və I, II, III yerlər müəyyənləşdirilərək qalib olan şagirdlər hədiyyə ilə mükafatlandırılacaqlar.