2022-2023-cü tədris ili üzrə lisey siniflərə şagird qəbuluna başlanılıb.

İstedadlı şagirdlər üçün səmərəli və keyfiyyətli təhsil şəraiti yaratmaq və onların davamlı inkişafını təmin etmək məqsədi ilə xüsusi istedadı ilə fərqlənən şagirdlər üçün V sinifə qəbul mərkəzləşmiş qaydada müsabiqə yolu ilə həyata keçiriləcəkdir.

Lisey siniflərə sənəd qəbulu 20-30 iyun 2022-ci il tarixində həyata keçiriləcəkdir.

Qeyd edək ki, Gəncə şəhərində M.Mehdizadə adına 4 nömrəli xarici dil təmayüllü məktəb-lisey, İ.Məmmədov adına 27 nömrəli fizika, riyaziyyat və informatika təmayüllü məktəb-liseyinə 2022-2023-cü dərs ilində xüsusi istedadı ilə fərqlənən şagirdlər üçün V sinifə qəbul həyata keçiriləcəkdir.

Lisey siniflərə qəbul üçün tələb olunan sənədlər aşağıdakılardır:

Şagirdin IV sinfi bitirdiyi haqqında arayış;

Şagirdin şəxsiyytini təsdiq edən sənədin surəti;

Sağlamlıq haqqında arayış.