Gəncə-Daşkəsən Regional Təhsil İdarəsinin təşkilatçılığı ilə 8 Noyabr - Zəfər Günü ilə əlaqədar "Zəfər yarışı" adlı hərbi-idman yarışı keçirilib.

Yarışda Gəncə, Naftalan şəhər, Göygöl, Samux, Daşkəsən və Goranboy rayon ümumtəhsil məktəblərinin şagirdlərindən ibarət komandalar müxtəlif maneələri müəyyənləşdirilmiş müddət ərzində keçməli olublar.

"Zəfər yarışı" adlı hərbi-idman yarışında Gəncə-Daşkəsən Regional Təhsil İdarəsinin müdiri Anar Qədiməliyev, Göygöl Rayon İcra Hakimiyyəti başçısının müavini Arzu Qocayev, məktəb direktorları, şagirdlər və müəllimlər iştirak ediblər.

Ümumillikdə  8 komandanın iştirak etdiyi hərbi-idman yarışında I yerə Gəncə şəhər M.Müşfiq adına 14 nömrəli tam orta məktəbin, II yerə Köşkü kənd tam orta məktəbin, III yerə isə Naftalan şəhər 1 nömrəli tam orta məktəbin komandası layiq görülüb.