Sentyabrın 16-da yeni tikilmiş Samux rayonu Seyidlər kənd tam orta məktəbin açılış tədbiri keçirilib.

Tədbirdə Gəncə-Daşkəsən Regional Təhsil İdarəsinin Maliyyə-İqtisadiyyat sektorunun müdiri vəzifəsini müvəqqəti icra edən Zeynəb Rzayeva, Samux rayonu üzrə təhsil sektorunun müdiri Nurlana Həsənova, həmçinin təhsil işçiləri və şagirdlər iştirak ediblər.

Tədbir iştirakçıları yeni tədris ilinin başlaması münasibətilə şagirdləri təbrik edərək, onlara təhsil həyatlarında yüksək nailiyyətlər arzulayıblar.

Daha sonra tədbir iştirakçıları yeni istifadəyə verilmiş Seyidlər kənd tam orta məktəbdə yaradılan şəraitlə tanış olublar.

Qeyd edək ki, 47 şagird yerlik məktəb binası 8 sinif otağı, yeməkxana, direktor otağı, müəllimlər otağı, akt zalı, 2 laboratoriya və 2 texnologiya otağı ilə müəllim və şagirdlərin istifadəsinə verilib.