22 avqust 2024-cü il tarixindən etibarən şagird sayı 150-dən 500-dək olan ümumtəhsil müəssisələri üzrə direktor vəzifəsinə işə qəbul prosesi ilə bağlı sənəd qəbuluna başlanılır.

Proses 30 avqust 2024-cü il tarixinədək davam edəcək.

Müraciət etmək istəyən şəxslər zəruri sənədləri iş günləri ərzində saat 10:00-dan 17:00-dək Gəncə-Daşkəsən Regional Təhsil İdarəsinə təqdim etməlidirlər.

Müsabiqədə iştirak üçün tələb olunan sənədlər:

- kadrlar uçotunun şəxsi vərəqəsi;

- şəxsiyyəti təsdiq edən sənədin surəti;

- əmək kitabçasının surəti;

- ali təhsil haqqında sənədin və əlavəsinin surəti.

Şagird sayı 151-500 aralığında olan ümumi təhsil müəssisələrinə direktor vəzifəsinə işə qəbul müsabiqə (test və müsahibə) yolu ilə regional təhsil idarəsi tərəfindən həyata keçiriləcək.

Namizədlər üçün tələblər:

- pedaqoji ixtisas üzrə ali təhsil;

- 5 ildən az olmayaraq pedaqoji staj (təhsilin təşkili və idarə olunması ixtisası üzrə elmi dərəcəsi və elmi adı olduqda 3 il);

- hazırda ümumi təhsil müəssisəsində pedaqoji fəaliyyət göstərməsi.

Aşağıdakı keçiddən istifadə edərək Gəncə-Daşkəsən Regional Təhsil İdarəsinin tabeliyində olan məktəblər üzrə vakansiyalarla tanış ola bilərsiniz

https://ref.az/VExRUJ