ƏMR

№

Gəncə şəhəri                                                                              ___  ________  2021-ci il

Ümumtəhsil və məktəbdənkənar təhsil müəssisələrində əyani

tədrisin qismən bərpa edilməsi barədə

Azərbaycan Respublikası Təhsil Nazirinin 07 may 2021-ci il tarixli F-212 nömrəli əmrinin icrası məqsədi ilə

əmr edirəm:

1. Gəncə Şəhər Təhsil İdarəsinin tabeliyində fəaliyyət göstərən ümumtəhsil və məktəbdənkənar təhsil müəssisələrində əyani təhsil 17 may 2021-ci il tarixdən aşağıdakı qaydada qismən bərpa edilsin.
   1. Gəncə Şəhər Təhsil İdarəsinin  tabeliyində fəaliyyət göstərən ümumtəhsil müəssisələrində (35 nömrəli ümumi orta məktəb və 45 nömrəli xüsusi məktəb istisna olmaqla) məktəbəhazırlıq qruplarında həftədə 2 (iki) dəfə, ibtidai təhsil səviyyəsində (I-IV siniflər) və ümumi orta təhsil səviyyəsində (V-IX siniflər) həftədə 3 (üç) dəfə olmaqla;
   2. Gəncə şəhər 35 nömrəli ümumi orta məktəbdə ibtidai təhsil səviyyəsində (I-IV siniflər) və ümumi orta təhsil səviyyəsində (V-IX siniflər) həftədə 5 (beş) dəfə olmaqla;
   3. Gəncə şəhər 45 nömrəli xüsusi məktəbin ibtidai təhsil səviyyəsində (I-IV siniflər) və ümumi orta təhsil səviyyəsində (V-IX siniflər) həftədə 5 (beş) dəfə olmaqla;
   4. Gəncə şəhər Uşaq Gənclər İnkişaf Mərkəzinin aşağı və orta yaş qruplarında dərnək məşğələləri həftədə 2 (iki) dəfə olmaqla bərpa edilsin.

2. Gəncə Şəhər Təhsil İdarəsinin tabeliyində fəaliyyət göstərən ümumtəhsil və məktəbdənkənar təhsil müəssisələrinin rəhbərləri tədrisin xüsusi karantin rejimi dövründə təhsil müəssisələrində tədris və təlim-tərbiyə prosesinin təşkilinin müvəqqəti qaydalarına uyğun həyata keçirilməsini təşkil etsinlər.
3.  Gəncə Şəhər Təhsil İdarəsinin tabeliyində fəaliyyət göstərən ümumtəhsil və məktəbdənkənar təhsil müəssisələrində tədrisin xüsusi karantin rejimi dövründə təhsil müəssisələrində tədris və təlim-tərbiyə prosesinin təşkilinin müvəqqəti qaydalarına uyğun aparılmasına nəzarət məktəblər üzrə məsləhətçilərə tapşırılsın.
4. Əmrin icrasına nəzarət ŞTİ-nin müdir müavini vəzifəsini icra edən İqbal Kərimova tapşırılsın.

Əsas: Azərbaycan Respublikası Təhsil Nazirinin 07 may 2021-ci il tarixli F-212 nömrəli əmri.

Müdir:                                       Anar Qədiməliyev